Siglir tar il cuntegn
Inhalt

Svizra Volg augmenta la svieuta

La gruppa Volg ha pudì far frunt al ferm franc l'onn da fatschenta 2015. La sviueta è creschida per 0,5 % sin 1,471 milliardas francs. Il pli grond grond augment hajan registrà las butias da tancadi, scriva la gruppa da commerci en detagl specialisada sin butias dal vitg.

halla cun 4 camiuns dal Volg, Landquart
Legenda: La centrala da distribuziun a Landquart. mad

L'onn passà han ils 86 shops da tancadi augmentà lur svieuta per 6,3% sin 244 milliuns francs (2014: 229,5 milliuns fr.).

La pli gronda e pli impurtanta pitga restan dentant las butias da Volg. Las 578 filialas han fatg l'onn passà ina svieuta da 1,105 milliardas francs, tuttina bler sco l'onn avant. En media ha ina butia da Volg fatg ina svieuta da 1,91 milliuns francs.

Lur strategia da far ina politica da nischa e da sa concentrar sin la purschida per il mintgadi saja cunquai sa cumprovada, scriva Volg. L'onn passà ha la gruppa avert 30 novas butias, 5 èn vegnidas serradas.

RR novitads 12:00