Siglir tar il cuntegn
Inhalt

Svizra Viticulturs vallesans dastgan maschadar vins

Pervi dals gronds donns da schelira da l'avrigl lubescha la regenza vallesana excepziunalmain als viticulturs da maschadar ils vins d'AOC vallesans cun 10% vins d'AOC svizzers.

Viticultur cun butschins.
Legenda: Pervia da la schelira valan quest onns reglas main severas per ils viticulturs vallesans. Keystone

Sco quai che la regenza communitgescha, valia questa mesira sulet per il Fendant AOC e per ils vins cotschens e rosé AOC da l'annada 2017. Cun questa mesira vul la regenza reducir las consequenzas negativas da la schelira.

L'uffizi da vin dal Vallais quinta che passa 40% da las vignas èn vegnidas donnegiadas pervia dal fraid. Intgins viticulturs han pers la racolta da l'entir onn. Ina tala perioda da schelira è extraordinaria. En il Vallais hai dà l'ultima gronda schelira da questa dimensiun il 1974.

RR novitads 14:00