Siglir tar il cuntegn
Inhalt

Svizra Vitg munatagnard vallesan carmala novs abitants cun daners

Cun daners vul la vischnanca vallesana dad Albinen carmalar famiglias ed auters novs avdants da star en il vitg muntagnard. Cun 71 cunter 29 vuschs ha il suveran approbà il plan a la radunanza communala.

Radunanza communala, vista sin ils participants.
Legenda: Cun 71 cunter 29 vuschs ha il suveran ditg gea al plan da carmalar novs abitants. Keystone

Il vitg da 240 abitants vul fermar la depopulaziun. Il president da vischnanca Beat Jost è fitg cuntent cun il cler resultat.

70'000 per ina famiglia cun dus uffants

Persunas singulas che vegnissan a star ad Albinen survegnan 25'000 francs, pèrs 50'000 francs. Per mintg'uffant dess la vischnanca anc 10'000 suren. Ina famiglia cun dus uffants retschavess pia ina summa da 70'000 francs.

Las cundiziuns

La vischnanca ha mess intginas cundiziuns als retschaviders: Per retschaiver ils daners stoppian ils nov avdants era vegnir cun lur scrittiras ad Albinen ed esser sut 45 onns. Plinavant stoppia la famiglia bajegiar chasa u mussar in contract da cumpra. Las investiziuns stoppian muntar minimalmain 200'000 francs.

Tgi che banduna il vitg suenter pli pauc che 10 onns saja dentant obligà da pajar enavos ils daners.

RR novitads 06:00