Siglir tar il cuntegn

Header

cuntegn

Svizra Visitas medicalas pir cun 75 onns – ma cun mesiras da sustegn

Automobilists duain pir cun 75 onns stuair laschar controllar sch’els èn anc abels da charrar u betg. Fin uss è quai necessari cun 70 onns. Il Cussegl federal pretenda dentant mesiras accumpagnantas.

Il Cussegl federal ha ditg gea a la proposta da la cumissiun dal Cussegl naziunal. Uschia vul el rinforzar l’atgna responsabladad dals automobilists, ma er resguardar il svilup tecnologic.

audio
Mezdi: Seniors pir cun 75 onns sin controlla tar il medi
ord Actualitad dals 17.05.2017.
laschar ir. Durada: 2 minutas 6 Secundas.

Mesiras da sustegn

Dentant pretenda il Cussegl federal mesiras accumpagnantas. Per exempel duajan ils pertutgads sa dumandar sch’els sa sentian anc abels da charrar cun 70 onns e dapli. En quest connex propona el d’infurmar las persunas a scrit e sensibilisar ellas per il tema.

L'onn passà hajan numnadamain radund 6'000 persunas stuì dar giu il permiss dad ir cun auto cun 70 onns suenter la visita medicala. Il Cussegl federal avertescha che la segirezza en il traffic sin via pudess patir da la nova limita da vegliadetgna.

Grischun beneventa proposta

Gia l'entschatta da favrer aveva beneventà la regenza grischuna la proposta ch'automobilists duajan far regularmain ina controlla tar il medi pir a partir da 75 onns enstagl da 70 onns sco fin qua.

RR novitads 12:00

Artitgels legids il pli savens