Siglir tar il cuntegn
cuntegn

Svizra Virustgel – enfin uss dapli cas quest onn che l’entir 2016

Sco l’Uffizi federal da sanadad ha communitgà ha el registrà 76 cas dapi l’entschatta da l’onn. Il 2016 eran quai stads l’entir onn 71 cas.

Spreza da virola en in bratsch
Legenda: L'Uffizi federal per sanadad recumonda la virola cunter il virustgel. Keystone

Ils ultims mais è il dumber da persunas cun virustgel s’augmentà en Svizra. En las davosas quatter emnas èsi vegnì registrà gist otg novs cas. Trais da quels èn vegnida annunziads da persunas ord il chantun Valais. Tut ils trais uffants pertutgads n’eran betg virolads. Pervia da quai ha il Valais prendì mesiras e tut quels uffants betg virolads ch’èn stads en contact cun ils uffants infectads ston restar a chasa.

Il virustgel fa part da las malsognas infectusas ch’ins sto annunziar en Svizra. Gia il favrer aveva la Confederaziun avertì davart la derasaziun dal virustgel ed er recumandà da far la virola. Ed era en Europa datti puspè dapli cas da virustgel.

RR novitads 21:00