Svizra - Violenza cunter policists – chastis pli rigurus
La giustia savess esser pli rigurusa tar violenza cunter policists: quai pretenda Ralph Hurni, il president da l’associaziun dals schefs da las polizias da citad, en las gasettas «Zentralschweiz am Sonntag» und «Ostschweiz am Sonntag».
Violenza cunter policists sa drizzia cunter il fundament d’in stadi. Perquai stoppia il stadi far chapir ils delinquents che quai na vegnia betg tolerà. Cunzunt extremists sanesters sajan vi e pli agressivs encunter policists, di Hurni.
Chastis da praschun stringents tar attatgas sin policists na sustegn Hurni dentant betg.
