La lavur fin ussa dal fonds saja stada fitg positiva, scriva la cumissiun. Perquai vul ella garantir la finanziaziun dal fonds fin l'onn 2031. Il fonds è actualmain limità fin mez 2021.
Fundà il 1991
Il fonds ch'è vegnì fundà il 1991 a chaschun dal giubileum 700 onns confederaziun spirescha il 2021. El dat sustegn finanzial per mesiras da mantegnair cuntradas, monuments culturals e natirals.
En ses emprims 25 onns ha il fonds investì 140 milliuns francs per 2'360 projects en tuttas regiuns da la Svizra. Cun ils daners è tranter auter vegnì emplantà bostgs, ins ha construì mirs pregnants per la cuntrada ed era punts da crap èn vegnidas restauradas.
RR novitads 17:00