La banca naziunala metta vinavant paisa sin ina politica monetara expansiva. Uschia vegnia probabel la bilantscha da la banca anc a crescher ed ils daners stoppian alura vegnir reinvestids en il martgà global. Il president da la banca naziunala Thomas Jordan ha nizzegià perquai la radunanza generala da venderdi per declerar la politica d’investiziun da la banca naziunala.
La summa da bilantscha è il mument tar radund 750 milliardas francs, questa summa saja in’expressiun da las stentas da la Banca Naziunala dals ultims 10 onns per surmuntar las crisas, ha ditg Jordan.
RR novitads 15:00