Vinavant blers suspectads en cas da corrupziun da la FIFA

En il cas da corrupziun da la FIFA è la gruppa dals suspectads tar la procura publica federala vinavant gronda. Er suenter in mez onn investigheschian ins anc adina cunter nunenconuschent e cumbattia cun in mantun dad actas, uschia il procuratur public Michael Lauber envers la «NZZ am Sonntag».

Il procuratur public Michael Lauber.

Legenda da maletgs: Il procuratur public Michael Lauber. Keystone

Tar la procedura giaja quai per colliaziuns en l'entir mund. Perquai sajan els avisads sin l'assistenza giudiziala da l'exteriur. Dasper la procura publica federala investighescha er la procura publica generala dals Stadis Unids en il cas.

RR novitads 11:00