Svizra - Vignetta d’autostrada duai vegnir pli chara
Il Cussegl federal vul auzar il pretsch per la vignetta d’autostrada e propona al parlament d’approvar ina moziun correspundenta. Ina argumentaziun n’ha il Cussegl federal dentant betg publitgà.
Da la moziun vegn il Cussegl dals chantuns a discutar probabel proxima gievgia. Inoltrà la moziun ha la cumissiun da traffic dal cussegl dals chantuns. Il november 2013 aveva il pievel svizzer votà cunter in auzament dal pretsch per la vignetta sin 100 francs.
