Siglir tar il cuntegn

Svizra Victorinox furnescha cuntels a l’armada americana

La firma svizra Victorinox furnescha cuntels a l'armada dals Stadis Unids. L'interpresa da famiglia da Ibach (SZ) ha confermà in rapport correspundent da la «Luzerner Zeitung».

Il cuntè da militar da l'armada svizra.
Legenda: Il cuntè da militar da l'armada svizra vegn uss era vendì a militars da l'armada americana. Keystone

L’armada americana ha prendì uffizialmain ils cuntels da militar da Victorinox sin la glista d’empustaziuns. Commembers da l’armada americana pon uss empustar quests cuntels svizzers ma els na ston betg uschia l’interpresa.

Marca duai vegnir pli enconuschenta

Finanzialmain na portia questa fatschenta betg bler ma ella portia ina immensa reputaziun. Il cuntè da l’armada americana correspunda pli u main al cuntè che vegn surdà a mintga militar en Svizra. Ma la versiun americana è brina e porta l’inscripziun «U.S.». Perquai che millis da persunas han uss la pussaivladad da far questa empustaziun spera la fatschenta da Ibach da pudair promover la marca Victorinox en ils Stadis Unids.

RR novitads 15:00