Svizra - Vias naziunalas duain crescher per 400 kilometers
La conferenza da las regenzas dals chantuns da la Svizra orientala nua ch’era il Grischun fa part, vul terminar uschè spert sco pussaivel la cunvegna da la rait da vias.
Sco la regenza grischuna communitgescha vulan ils chantuns da la Svizra orientala che radund 400 kilometers via existenta vegnian surprendidas da la Confederaziun en la rait da vias naziunalas. En il Grischun pertutga quai surtut la via sur il pass dal Güglia. Cun questa surdada a la Confederaziun spargnass il chantun Grischun 11 milliuns francs ad onn.
