Siglir tar il cuntegn

Svizra Viagiar en l'entira Svizra senza cumprar avant in bigliet

Pajar il bigliet cun ina app per il tren e per l’auto da posta duai esser pussaivel en futur en l’entira Svizra. La SBB la BLS ed ils autos da posta vegnan uss a testar ils proxims mais questa app.

Persuna che utilisescha in smartphone.
Legenda: Pajar il bigliet da tren cun ina app duai bainprest esser pussaivel en l'entira Svizra. Keystone

La basa per pudair pajar il bigliet per il tren e per l’auto da posta furma l’app «lezzgo». Quella vegn duvrada gia oz tar singuls purschiders. Per il test en l'entira Svizra è l'app vegnida schlargiada tar «lezzgoPlus».

Pajar a la fin dal viadi

Per ils clients sa mida ch’els ston pajar lur bigliet cura ch’il viadi è a fin tenor il sistem dal Post Price Ticketing, communitgeschan las interpresas da transport. Ellas garanteschan a las utilisadras ed als utilisaders in pretsch unitar. Tuts passagiers duain pajar per il medem traject il medem pretsch. La calculaziun succeda davostiers cun las tariffas che valan oz.

Era la Viafier retica ha lantschà in sumegliant sistem da pajament cun ina app ma ella n’appartegna betg a la rait cun las Viafier federalas svizras.

RR novitads 12:00