Siglir tar il cuntegn

Header

cuntegn

Viafiers federalas Trens-intercity vegnan renovads

Las Viafiers federalas renoveschan ils proxims onns lur 44 pendulins dad intercity per 400 milliuns francs. Questa modernisaziun saja la pli gronda en l'istorgia dal traffic sin distanza, communitgescha l'SBB. I vegnia installà in cumplet nov equipament interiur, in sistem d'infurmaziun modern ed in meglier retschaviment per func mobil.

Latiers duain ils vaguns, sche necessari e pussaivel, vegnir rendids pli adattads per persunas cun impediment. Las lavurs vegnan exequidas ils proxims onns ad Yverdon-les-Bains en il chantun Vad. Las Viafiers federalas impundan radund 110 collavuraturas e collavuraturs per renovar ils trens.

Ord servetsch fin il 2043

Per realisar las lavurs sto l'ovra da la SBB a Yverdon-les-Bains allontanar l'entir intern dals vagus e silsuenter puspè reconstruir las installaziuns. Las Viafiers federalas quintan fin il 2022 cun in prototip per ils vaguns. Ils trens d'intercity èn vegnids acquistads tranter il 1999 e 2005.

Ils trens duain sil pli tard vegnir mess ord servetschs enfin il 2043.

RTR novitads 17:00

Artitgels legids il pli savens