Il traject da viafier da Visp a Zermatt è danovamain interrut. Pervi da crudada da crappa na pon ils trens betg pli cursar tranter Visp e St. Niklaus. Ils passagiers vegnan transportads cun bus e ston quintar cun pli lung temp da viadi. Quai communitgescha la viafier Matterhorn Gottard.
La MGB suppona che l'interrupziun dura fin la fin dal temp da manaschi la dumengia saira. La crappa haja chaschunà mo pitschens donns vi dals binaris e vi da la lingia electrica.
RR novitads 17:00