Siglir tar il cuntegn
cuntegn

Svizra Viafier Matterhorn Gottard cun dapli svieuta

Il plus da 5% tar il Glacier Express - è stà in dals temas tar la radunanza generala da la Viafier Matterhorn Gottard a Sedrun.

Viafier Matterhorn Gottard.
Legenda: La mesadad da la svieuta ha la viafier fatg sin trajects regiunals. Keystone

Il 2017 ha la Viafier Matterhorn Gotthard dumbrà ina svieuta da 115,7 milliuns francs ed ha uschia surpassà la svieuta da l'onn avant per 4,0%. Il gudogn dal 2017 munta ad 1,0 milliuns francs.

Bun resultat tar il Glacier Express

Tar il Glacier Express han ins perfin pudì augmentar la svieuta per 5,0%. Pli pauca svieuta han ins fatg cun il transport da rauba (-1,1%) e cun il transport d'autos (-0,7%).

Mesadad sin trajects regiunals

Prest la mesadad da la svieuta ha la viafier fatg sin ils trajects regiunals. Quai grazia al dumber da giasts, ch'è s'augmentà per 3,4%.

Creschì il pli fitg è il dumber da giasts tar il servetsch da shuttle tranter Täsch-Zermatt. 1,75 milliun persunas han fatg diever da quel – quai èn 11,3% dapli che l'onn avant.

RR novitads 17:00