Svizra - Viafier ha transportà dapli rauba tras las Alps
La viafier ha transportà ils emprims 6 mais da quest onn 2,4 pertschient dapli rauba tras las Alps che l'onn avant, annunzia l'Uffizi federal da traffic. Da l'autra vart è il transport cun camiuns sin via sa reducì tras las Alps per 3,8 pertschient.
Tut en tut ha la viafier transportà 69,2% da tut la rauba sin la ruta da transit tras las Alps. Quai è la pli auta cumpart dal martgà che la viafier ha gì dapi che la taxa per camiuns sin il traffic da camiuns grevs e la limita da 40 tonnas è vegnida introducida l’onn 2001.
