Svizra - Via transibla u betg: AVSplus perda sustegn
Las iniziativas «AVS plus» e «per in'economia verda» perdan sustegn. Lur aderents han pers vuschs, quai resulta da la terza enquista da la chasa da medias Tamedia. Cumpareglià cun la retschertga avant 3 emnas sustegnan anc 49% l'iniziativa AVS-plus, tuttina blers sco ils adversaris.
Ed anc pli ferm cuntravent datti per l'iniziativa per in'economia verda. Avant 3 emnas refusavan anc 43% quella, uss èn quai 54%. In cler gea vesa la retschertga per la lescha davart il servetsch d'infurmaziun.
La terza retschertga da Tamedia è vegnida fatga dals 8 fin ils 10 da settember e sa basa sin 13'900 respostas ch'èn vegnidas valitadas tenor variablas demograficas, geograficas e politicas.
Questa saira preschenta lura er l'SRG sia segunda enquista davart il trend da votaziun.
