Siglir tar il cuntegn

Header

Navigaziun

Purtret d'in placat cun ils trais candidats.
Legenda: La PCD perda plazs, ma lur candidats èn quels cun las bleras vuschs. Keystone
cuntegn

Svizra Verds gudognan 6 sez en il Vallais

Tar las elecziuns en il Cussegl grond dal Vallais dad ier han ils Verds gudagnà 6 sezs. Uschia ha la Partida verda cun 8 sezs fermezza da fracziun. Ma las pli bleras vuschs han fatg ils candidats da la PCD.

Il gudogn dals Verds è la sperdita da la PCD. La PCD perda bain 6 sezs, resta dentant lunsch ora la ferma partida en il parlament vallesan. Ils liberals e la Partida populara èn uss bunamain tuttina ferms cun 26 respectiv 23 sezs.

Tar las elecziuns da regenza n'a nagin dals 13 candidats cuntanschì il pli absolut da 60'793 vuschs, in segund scrutini è necessari. Il meglier resultat a fatg Christoph Darbellay, anteriur president da la PCD Svizra. Davos el suonda cusseglier guvernativ Jacques Melly. Surprendentamain bun saja il resultat da cusseglier naziunal Roberto Schmid ch'è sin il terz plaz.

Ils proxims trais plaz èn occupads da da cussegliera guvernativa Esther Waeber-Kalbermatten (PS) ed anteriur cusseglier naziunaal Stéphane Rossini (PS). Els èn plazzads anc avant cusseglier guvernativ Oskar Freysinger (PPS).

RR novitads 06:00