Siglir tar il cuntegn

Header

Navigaziun

martin bäumle al pult da referat
Legenda: Il president dals Verd-liberals svizzers, Martin Bäumle, avant ils delegads da la PVL svizra. Keystone
cuntegn

Svizra Verd-liberals per ina Svizra averta e connectada

Ils delegads da la Partida verd-liberala (PVL) han fixà a Friburg las posiziuns da la partida quai che pertutga politica agrara e da l'exteriur.

In'allianza dubiusa da la dretga e da la sanestra veglia mesiras protecziunisticas e daventia pli e pli ferma. Quai ha ditg il president dals Verd-liberals, Martin Bäumle. Sia partida veglia cumbatter vehement talas tendenzas e s'engaschar per ina Svizra averta. En il mund globalisà sajan ina politica da l'exteriur activa ed il dretg internaziunal spezialmain impurtants per la pitschna Svizra. Problems globals possian ins schliar mo en collavuraziun.

La PVL vul ina politica agrara ecologica, e che puras e purs surpiglian responsabladad era sco interprendiders. Perquai pretendan ils Verd-liberals era da reducir la protecziun dal cunfin pass per pass – saja quai la protecziun tras dazi – saja quai la protecziun tras contingents per imports.

Ultra da quai ha il president Martin Bäumle punctuà in'ulteriura giada, quant impurtant ch'i saja per ils Verd-liberals dad approvar tut las 3 votaziuns federalas dals 12 da favrer.

RR novitads 18:00