Siglir tar il cuntegn
Inhalt

Svizra Verd-liberals cun 4 vicepresidents

La Partida verd-liberala ha engrondì ses presidi da 2 sin 4 vicepresidents. Quai ha la partida decis da sia radunanza da delegads a Neuschatel.

Martin Bäumle
Legenda: È vegnì confermà en ses uffizi: Il president dals Verd-liberals Martin Bäumle Keystone

Da la radunanza da delegads han els elegì 4 novs commembers en il vicepresidi, numnadamain: las duas cusseglieras naziunalas Isabelle Chevalley (VD) e Kathrin Bertschy (BE), il cusseglier naziunal Jürg Grossen (BE) ed il co-president dals la Giuvna partida verd-liberala, Pascal Vuichard (GE).

Fin uss han ils Verd-liberals mo gì dus vicepresidents. Omadus n’han però betg pli candidà per in'ulteriura perioda d'uffizi.

Il president da la partida, Martin Bäumle è vegnì confermà en ses uffizi. Plinavant han ils Verd-liberals dà or las parolas per las votaziuns il zercladur. Els din gea a la midada da la Lescha d’asil e na a l’iniziativa dal pievel “Per in’entrada da basa nuncundiziunada.

RR novitads 20:00