Siglir tar il cuntegn

Header

Navigaziun

cuntegn

Svizra Vents furius procuran per chaos da traffic en Svirza

Gievgia avantmezdi han vents furius chaschunà en Svizra problems en il traffic da via, sgol e viafier.

In camiun è cupitgà sin l'A1 tranter Kriegsstetten ed Oensingen.
Legenda: In camiun è cupitgà sin l'A1 tranter Kriegsstetten ed Oensingen. Keystone

Sin l'autostrada A1 tranter Kriegstetten ed Oensingen en il chantun Soloturn èn dus chars-annex da camiuns cupitgads pervi dals vents, quai tenor il servetsch d’infurmaziun da traffic Viasuisse. A l'eroport Turitg-Kloten han plirs aviuns duvrà pliras emprovas d’atterrar. In A380 da Singapur ha empruvà trais giadas da sa platgar, dentant senza success. L'aviun è sgulà vinavant a Frankfurt, uschia ha ditg ina pledadra da l'eroport.

Vents avant ina front fraida

Avant ch’ina front d’aria fraida cun il num Sebastian è arriva, hai dà vents furius en differentas parts da la Svizra. A Thun en il chantun Berna per exempel ha il vent buffà cun ina spertezza da 95 kilometers per ura, uschia Meteo Svizra envers l’agentura da novitads sda.

RR novitads 15:00