Siglir tar il cuntegn
cuntegn

Svizra Vendita d'autos resta sin aut nivel

L’onn passà èn 317'318 autos vegnids immatriculads en Svizra ed en il Principadi da Liechtenstein.

Mercedes.
Legenda: Er il 2016 han ils Svizzers cumprà blers autos novs. Reuters

Quai correspunda ad ina leva reducziun da 2% cumpareglià cun l’onn 2015, sco quai che l’associaziun da branscha «Auto-Schweiz» ha communitgà. Quest resultat saja anc adina sur las aspectativas, perquai ch’ins haja quintà che la vendita sa reduceschia pli fitg.

Diesel e 4x4 sa vendan bain

4 da 10 autos novs hajan in motor da diesel. Ed era il boom dals autos cun tracziun a quatter rodas saja stà grond il 2016. Quai demussa la statistica dad «Auto-Schweiz».

Marschas pli pitschnas

Tenor il directur dad Auto-Schweiz Andreas Burgener èn ils importaders dad autos ed ils commerziants da marcas confruntads cun marschas ch’èn idas enavos ferm. Grazia al ferm franc svizzer ha la vendita d’autos novs cuntanschì in nov record.

RR novitads 09:00