Siglir tar il cuntegn

Svizra Vendita d'autos novs stagnescha

Dal schaner fin il mars èn vegnids immatriculads en Svizra 72'000 autos novs, quai èn 300 autos pli pauc che l'emprim quartal da l'onn passà. Creschida è perencunter la vendita d'autos d'occasiun, quai per 3,5% cumpareglià cun l'onn passà.

inscripziun d'ina garascha "occasiuns cun garazia" sutvart autos
Legenda: Autos d'occasiun èn actualmain pli tschertgads ch'autos novs. Keystone

En vista a l'aboliziun dal curs minimal dal franc saja quai in resultat cuntentaivel, scriva Eurotax. L'uniun svizra d'autos declera quest svilup cun las autas cifras da cumparegliaziun dal 2015. L'emprim quartal da l'onn passà era il dumber dals autos novs numnadamain creschì per 6%. Quai pervi dals rabats da l'euro en connex cun il ferm franc.

En egl dat ch'i vegn cumprà adina dapli vehichels novs cun tracziun alternativa, vul dir hybrid, electro u gas. Era adina dapli èn dumandads autos novs cun tracziun 4x4. Quests autos han entant ina cumpart al martgà da passa 43%.

RR novitads 12:00