Siglir tar il cuntegn
Inhalt

Svizra Vendì damain vin svizzer

L’onn passà èn vegnids consumà circa 249 milliuns liters vin en Svizra. Quai èn 4 milliuns liters pli pauc che l’onn avant, scriva l'Uffizi federal d'agricultura.

Viticultur derscha las ivas en ina tigna da metal.
Legenda: L'aura da l'onn passà ha procurà per ina racolta pli pitschna. Keystone

Cunzunt il vin svizzer haja chattà pli paucs cumpraders. La statistica noda qua 87 milliuns liters, in minus da 2,5%. Quella reducziun haja dentant era da far cun las schlettas racoltas ch’i haja dà ils onns 2013, 2014 e 2015, scriva l’Uffizi federal d’agricultura.

Schletta racolta il 2017

Mo era las fradaglias la primavaira e la sitgira la stad passada laschian fastizs en la statistica da vin. Uschia hajan ils viticulturs svizzers racoltà mo 79 milliuns liters vin indigen l’onn passà, uschè pauc sco dapi 40 onns betg pli. En media consumeschan las Svizras ed ils Svizzers da quai da 100 milliuns liters vin indigen.

Sco gia ils davos onns è dentant creschids il consum da sect e schampagn. Lez è s’augmentà per 3,2% sin 19,3 milliuns liters.

RR novitads 12:00