Vendì damain latg, paintg e groma

L'emprim mez onn èn sa reducidas la vendita dal latg da consum en il martgà da detagl. Sco quai che l'Uffizi federal d'agricultura scriva en ses rapport da latg actual èn las venditas sa sminuidas per 2,7% sin totalmain 171'400 liters. Avant in onn era quai anc 176'000 liters.

grafica cun balcas melnas e grischas

Legenda da maletgs: mad

La svieuta è uschia sa reducida ils emprims sis mais da quest onn sin 235,95 milliuns francs. Cun 1,38 fr. era il pretsch per in liter latg 0,9% sut il pretsch d'avant in onn.

Era sa sminuidas èn las svieutas da paintg (-3,1% sin 121,76 milliuns fr.) e da groma da consum (-1,8%, 146,15 milliuns fr.). Era qua èn las venditas sminuintas la raschun principala.

Tenor l'Uffizi federal d'agricultura èn ils experts da la branscha da l'avis, che las venditas sminuintas han in connex cun il turissem da cumpra.

RR novitads 22:00