Siglir tar il cuntegn

Header

cuntegn

Svizra Vendemia 2017: Buna qualitad ma damain retgav

Ils viticulturs svizzers han racoltà l'onn passà uschè paucas ivas sco dapi 40 onns betg pli. La raschun èn stadas las scheliras massivas da l'avrigl, e singula granella da l'avust. Cumpareglià cun il 2016 èsi vegnì producì prest 30% damain vin, cun 28,5 milliuns liters.

Sco l'Uffizi federal per agricultura communitgescha, è la vendemia 2017 cun 79 milliuns liters uschè bassa sco dapi il 1978 betg pli. Dasper las scheliras da l'avrigl e la granella da l'avust, ha supplementarmain la stad fitg chauda reducì la quantitad. La chalira ha però era contribuì ad ina buna qualitad da las ivas.

La racolta 2017 è suenter las racoltas 2013 (84 milliuns liters), 2014 (93 milliuns liters) e 2015 (85 milliuns liters) gia la quarta racolta entaifer tschintg onns, che giascha sut il consum effectiv. La media dal consum da vin svizzer per onn è normalmain tar var 100 milliuns liters.

RR novitads 09:00

Artitgels legids il pli savens