Il Parlament federal vul dapli dunnas a la testa da grondas interpresas svizras. Cleramain, cun 27 cunter 13 vuschs, sustegn la Chombra pitschna ina proposta dal Cussegl federal ed ha uschia decidì cunter sia cumissiun che vuleva mo valurs directivas per il cussegl administrativ.
Valurs directivas e betg quotas
Pertutgadas dal las novas reglas en la lescha d'aczias èn circa 500 interpresas cun dapli che 250 emploiadas ed emploiads. Ellas ston il futur avair almain 30 pertschient dunnas en il cussegl d'administraziun ed almain 20% dunnas en la direcziun. Il Cussegl federal na discurra però betg da quotas mabain da valurs directivas. Plinavant prevesa la lescha naginas sancziuns sche quellas na vegnan betg ademplidas. En il rapport da bunificaziun sto l'interpresa però numnar las raschuns e preschentar mesiras co ella vul ademplir las procentualas.
Oz possedan las 100 pli grondas interpresas dal la Svizra mo 16% dunnas en cussegls d'administraziun. En las direcziuns è il dumber da dunnas perfin mo tar 6%.
RR novitads 17:00
