En il Vallais ha la terra danovamain stremblì levet la notg passada. Quai curt suenter las 3 datiers dal lieu da turissem Verbier. Tenor il servetsch da terratrembel da l'ETH da Turitg ha il terratrembel gi ina fermezza da 3,0.
Las scurlattadas sajan stadas da sentir cleramain en la vischinanza da l'epicenter, communitgescha il servetsch da terratrembel svizzer. L'ETH ha survegnì annunzias da plirs 10 abitants. Donns n'èn per regla betg da spetgar tar terratrembels da questa fermazza. En il Vallais strembla la terra l'ultim temp adina puspè.