Lonza haja pliras giadas laschà sfundrar substanzas en il palantschieu u laschà cular quellas en auas ed uschia tschufragnà quellas. Quai pretenda il procuratur public dal chantun Vallais en l'acta d'accusaziun. Il dissolvent dal qual i sa tracta vegn duvrà per producir colurs e lac, pulvra da lavar, cosmetica ed insecticids.
Lonza na vesa nagin sbagls
Davart dal concern da chemia han ils responsabels accentuà ch'i n'hajan betg cuntrafatg a la lescha davart la protecziun da las auas. Ni la populaziun ni l'ambient sajan stads en privel. Il 2014 cura ch'ins haja chattà las substanzas en l'aua n'haja quai er anc betg dà limitas specificas per aua da baiver ed auas persas da l'industria.
RR novitads 17.00