Ils 60 commembers dal cussegl da partida han decidì dad excluder Nicolas Voide. Quai ha il president da la PCD Vallais Sut ditg a l'agentura da novitads SDA. Davart la votaziun n'ha el fatg naginas ulteriuras indicaziuns.
Jau hai orientà Nicolas Voide davart nossa decissiun. Nus vulain ussa concluder quest chapital
Il deputà Nicolas Voide era sa mess ensemen tar las elecziuns per la regenza vallesana cun il candidat da la PPS Freysinger. En l'emprim scrutini aveva Voide lura fatg cun 26'305 bler pli paucas vuschs ch'ils ulteriurs candidats da la PCD. Ed en il segund scrutini era Oskar Freysinger betg pli vegnì elegì. Voide ha lura anc avant il segund scrutini sa retratg.
Cun quai vegn la carriera politica da Nicolas Voide ad esser a fin. El fascheva part dal parlament chantunal durant bunamain 20 onns ed era l'onn 2015president dal Cussegl grond.
RR novitads 07:00