Siglir tar il cuntegn
Inhalt

Svizra Vallais duai candidar per ils gieus olimpics 2026

L'impressari e president dal club da ballape da Sion, Christian Constantin, ha lantschà ina nova candidatura dal chantun Vallais per gieus olimpics d'enviern. El ha surdà in dossier per ils gieus olimpics dal 2026 a la regenza chantunala.

L'impressari e president dal club da ballape da Sion, Christian Constantin.
Legenda: L'impressari e president dal club da ballape da Sion, Christian Constantin. Keystone

La candidatura stat anc a l'entschatta e sto anc surmuntar differents obstachels. Per exempel sto sper la regenza chantunala er l'uniun Swiss Olimpic approvar la candidatura. Silsuenter sto era anc la Confederaziun dar ses consentiment ed il suveran vallesan ha da vuschar surlonder a l'urna.

Concurrenza vallesana per il Grischun

Uschia pudessan las uniuns tetgalas da l'economia grischuna survegnir concurrenza. Ellas avevan numnadamain decidì da far ina nov'emprova per ina candidatura da gieus olimpics il 2026 ed inoltrà l'incumbensa parlamentara la fin d’avust al Cussegl grond.

L'economia grischuna vul uschia intimar la regenza da sustegnair ina candidatura per gieus d'enviern. 90 deputads dal Cussegl grond ha signà l'incumbensa dal deputà da la PCD, Remo Cavegn. Dapi ch’il suveran grischun ha refusà il 2013 la candidatura grischuna per ils gieus olimpics 2022, ha quai adina puspè dà emprovas per ina nova candidatura.

RR novitads 15:00