Siglir tar il cuntegn

Svizra Vaguns sviads a Winterthur - staziun bloccada

A la staziun da Winterthur è in tren da construcziun ì sur ils binaris or il venderdi saira ed ha fatg gronds donns. Perquai resta la gronda part da la staziun serrada fin la dumengia en damaun. Blers trens crodan ora u vegnan sviads.

Vaguns da vitgira suenter in accident.
Legenda: Plirs vaguns d'in tren da vitgira han procurà per dischurden sin la staziun da Winterthur. Keystone

Cunzunt pertutgà da la bloccada da la staziun da Winterthur è il traffic a distanza. Dals trens regiunals pon sulet las lingias S 7 ed S 41 cursar tenor urari, sco las Viafiers federalas annunzian.

Tar l'accident èn trais vaguns cun glera ids sur ils binaris ora. Ina pitga d'electricitad è vegnida donnegiada, ed era ils binaris han patì, sco la SBB ha ditg. Daco ch'ils vaguns èn sviads n'è anc betg cler. Blessads n'hai dà nagins.

Il disturbi ha gì gronda influenza sin il traffic da pendularis dal venderdi saira. Ils passagiers sin il traject ost-vest da la Svizra han stuì prender en cumpra retards e colliaziuns stritgadas. Tschients da pendularis eran bloccads sin diversas staziuns.

RR novitads 18:00