La Svizra ha pustà ulteriuras dosas da vaccinaziun cunter il coronavirus. La Confederaziun haja fatg in contract sur 5,3 milliuns dosas cun in interpresa, ha communitgà l’Uffizi federal da sanadad BAG. Quellas dosas da vaccinaziun vegnian furnidas, sch’il vaccin survegnia la lubientscha. I n'è dentant betg cler sch'il vaccin da la firma britannica AstraZeneca po sa far valair sin il martgà. La Confederaziun veglia cumprar plirs vaccins da differentas tecnologias – ha explitgà il BAG.
Gia l’avust aveva la Confederaziun fatg in contract cun la firma americana Moderna sur 4,5 milliuns dosas da vaccinaziun.