Siglir tar il cuntegn
cuntegn

Svizra Uvestgs pretendan dapli engaschi svizzer en regiuns da crisa

Pervi da la miseria dals fugitivs stoppia la Svizra s'engaschar pli ferm en regiuns da crisa. Quai pretenda il president da la conferenza dals uvestgs svizzers Markus Büchel.

uvestg markus büchel
Legenda: Tenor il president da la Conferenza dals uvestgs svizzers, Markus Büchel, èsi da gidar stadis en svilup ed en cunflicts per evitar che glieud stoppia fugir. Keystone

En in'intervista cun la gasetta "Schweiz am Sonntag" ha Markus Büchel ditg che la societad saja conrespunsabla per la miseria en l'Orient ed en l'Africa. L'agid al svilup na dastgian ins betg reducir.

Nus essan uschè ritgs che nus pudain far dapli.
Autur: Markus BüchelPresident Conferenza dals uvestgs svizzers

Ins stoppia offrir ina protecziun pli gronda per la glieud sin il lieu, per ch'ella na stoppia betg pli fugir. Quai ha ditg l'uvestg suenter in viadi da 5 dis en il Libanon.

RR novitads 09:00