Siglir tar il cuntegn
Inhalt

Svizra Uss vul cumissiun budget d’armada pli liant

La cumissiun per la segirezza politica dal Cussegl naziunal crai d'avair chattà ina via per schliar la bloccada tar la refurma da l'armada.

Las chommas da plirs pilots da l'armada svizra.
Legenda: La cumissiun na vul betg ch’ils pilots da l’armada svizra ston metter ensemen ils mauns e laschar ch’i tuna. Keystone

Il Cussegl federal duai far ina proposta concreta, quants daners che l'armada survegn dal 2017 fin il 2020. Quai ha decis la cumissiun cun 15 cunter 10 vuschs. La summa per ils 4 onns duai il parlament lura decider ensemen cun la refurma.

En la sessiun da stad aveva la refurma da l'armada la finala fatg naufragi, pervi da la finanziaziun betg clera. La proposta da la cumissiun da fixar en la lescha in budget annual da 5 milliardas francs, n'aveva chattà nagina maioritad en il Cussegl naziunal.

RR Novitads 17:00