Siglir tar il cuntegn

Header

Navigaziun

In pur che montescha giatters en in giagliner.
Legenda: Gia l’onn 2013 han purs en Svizra protegì lur giaglinom cunter la grippa d’utschels. Keystone
cuntegn

Svizra Uss sto il giaglinom star en stalla

La grippa d’utschels sa derasa adina pli fitg al Lai da Constanza. Uss èn infectads emprims animals d'ina farma da giaglinom en il Vorarlberg en l’Austria. Perquai na dastga giaglinom da chasa betg pli ord stalla.

Fin uss aveva la malsogna sulet tutgà utschels selvadis en la regiun dal Lai da Constanza. Damai ch’era giaglinom da chasa è pertutgà, han las autoritads decidì mesiras.

Ina zona da protecziun d'in kilometer

Ensemen vulan la Svizra, la Germania e l’Austria coordinar las mesiras da protecziun. Emprimas mesiras entran en vigur la notg sin venderdi, annunzia l’agentura da novitads austriaca apa. Enturn il lai vegn definì ina strivla da la riva d’in kilometer ladezza. En questa zona vala per tut il giaglinom ina ordinaziun da star en stalla.

Utschels da l'ester èn la culpa

Pervi da la grippa d’utschels H5N8 èn crappads ils davos dis al Lai da Constanza radund 80 utschels selvadis. Purtada enavant vegn la malsogna fitg contagiusa tras utschels migrants ch’èn sin viadi en lur quartiers d’enviern.

RR novitads 16:00