Siglir tar il cuntegn
cuntegn

Svizra Uschè paucas dumondas d’asil sco dapi set onns betg pli

Dal schaner fin il settember 2017 èn vegnidas inoltradas 13’916 dumondas d’asil. Quai è la valur la pli bassa dapi il 2010 cun 11’170 dumondas, scriva il Secretariat da stadi per migraziun.

Ina giuvna anonima va si da stgala.
Legenda: Ina giuvna requirenta d'asil en in center svizzer. Keystone

En il terz quartal da quest onn ha registrà il Secretariat da stadi per migraziun 4’793 dumondas d’asil. Quai è in terz pli paucas dumondas co l’onn passà. Ils pli blers requirents d’asil vegnan da l’Eritrea, da la Siria, l’Afghanistan e da Somalia.

Il motiv per il svilup saja la reducziun da la migraziun sur la Mar Mediterrana dapi il fanadur. Da l’autra vart na saja la Svizra betg in pajais primar per migrants che vegnan sur la ruta dal vest da l’Europa, scriva il secretariat.

RR novitads 15:00