Siglir tar il cuntegn
Inhalt

Svizra Uschè bleras proceduras da concurs sco anc mai

Il 2017 èn las pli bleras proceduras da concurs da firmas e da privats vegnidas avertas, quai dapi il 2008. Tenor l'Uffizi federal per statistica han passa 13'794 firmas e persunas privatas stuì annunziar concurs.

Bul «Konkursamt».
Legenda: Nov record da dumber da concurs dapi il 2008. Keystone

Ils donns finanzials ch'èn resultats ordlonder èn dentant sin il pli bass stan dapi il 1994. Quels muntan ad 1,7 milliardas francs – quai è in terz pli pauc ch'il 2016. Il svilup è dentant da relativar, cunquai ch'il svilup è fitg different da chantun tar chantun.

En la regiun dal lai da Genevra è il dumber s'augmentà il pli fitg, numnadamain per +10,6%. Era entaifer chantuns vischinants èn las differenzas per part fitg grondas: Uschia hai dà il 2017 en il chantun Berna 10% pli paucas proceduras da concurs, en il chantun Soloturn dentant 10,6% dapli proceduras da concurs. Vis sur l'entira Svizra ha i dà 2,8% dapli proceduras da concurs che l'onn avant.

En il Grischun pli u main stabil

En il Grischun hai dà l'onn passà 263 proceduras da concurs. L'onn avant avevi dà trais dapli. Las sperditas finanzialas èn percunter s'augmentadas da stgars 14,8 milliuns sin 17,3 milliuns.

RR novitads 12:00