Siglir tar il cuntegn
Inhalt

Svizra Uschè bleras naschientschas sco dapi 45 onns betg pli

Il 2016 èn naschids quasi 88'000 uffants. Il surpli da naschientschas è cun quai uschè auts sco dapi 25 onns betg pli. Quai ha communitgà l'Uffizi federal da statistica.

dus lullis, davosvart dus pops
Legenda: En Svizra hai dà l'onn passà uschè bleras naschientschas sco dapi 45 onns betg pli. Keystone

En cumparegliaziun cun l’onn avant è quai in augment da 1,5%. En las cifras provisoricas dal favrer quintava l’uffizi federal da statistica anc cun ina reducziun da las naschientschas. En il medem temp èn ils mortoris sa reducids sin 65'000 uschia ch’il surpli da naschientschas è tar radund 23'000, uschia l’Uffizi federal da statistica.

Dapli maridaglias e divorzis

Cuntrari a las prognosas da las cifras provisoricas hai er da dapli maridaglias e divorzis l'onn 2016. I ha dà 41'600 maridaglias. Quai èn 0,5% dapli che anc l'onn 2015.

Divorzis hai dà bun 17'000. Quai èn 0,4% dapli che anc l'onn passà. Sch'i va vinavant tenor ils trends actuals, lura pon ins partir dal fatg che duas da tschintg lètgs vegnan schliadas insacura.

RR novitads 17:00