Siglir tar il cuntegn

Svizra Ursula Wyss vul candidar sco presidenta da la citad Berna

La Cussegliera communala da la citad da Berna, Ursula Wyss, vul candidar il november 2016 sco presidenta da la citad. L'anteriura Cussegliera naziunala è gia daditg en discurs sco successura dal president Alexander Tschäppät.

Ursula Wyss.
Legenda: Per ils Socialdemocrats è la candidatura per il presidi da la cità giustifiada, perquai ch'els han ils blers votants. Keystone

La decisiun da Wyss ha legrà la direcziun da la partida, sco la PS communitgescha. Wyss haja adina giudì bun sustegn a Berna. Uschia saja ella adina puspè vegnida elegida cun ils megliers resultats. Resalvà resta anc che Wyss vegn nominada da la PS da la citad da Berna.

RR novitads 14:00