Ils delegads da la Pro Natura han elegì la cussegliera naziunala dal chantun Friburg sco presidenta. La giurista da 56 onns surpiglia ses uffizi il prim da fanadur e succeda a la cussegliera naziunala grischuna Silva Semadeni.
Ina finamira centrala da Schneider Schüttel saja da mantegnair spazis da viver, communitgescha la Pro Natura. Durant ses temp sco presidenta vul ella sensibilisar anc dapli persunas per in tractament responsabel da las resursas natiralas.
Pro Natura cun Silva Semadeni
Avrir la boxSerrar la box
Silva Semadeni ha manà la Pro Natura dapi l'onn 2002. Durant ses temp d'uffizi è il dumber da commembers da l'organisaziun creschì per bun in terz - sin passa 133'000. La forza finanziala da la Pro Natura è sa dublegiada.
