La cumissiun d'energia dal Cussegl naziunal UREK è da l’avis, che mesiras per sustegnair la forza idraulica stoppian vegnir scleridas «accuratamain». Perquai dovria ella anc dapli infurmaziuns dad interpresas d’electricitad.
UREK: Da princip favuraivel a la forza idraulic
L’UREK veglia bain segirar il provediment cun l'energia idraulica ed ella saja er vinavant da l'avis, che quella stettia avant grondas sfidas scriva la cumissiun d’energia en sia communicaziun. L’UREK laschia uss sclerir las interpresas d’electritad per suenter pudair discutar danovamain l’affar.
UREK ha tuttina dà signal positiv a l’economia idraulica
«Gea» ha la cumissiun però ditg cun 14:9 vuschs ad ina iniziativa parlamentara dad Albert Rösti (PPS/BE). Sia iniziativa pretenda, ch'i vegnian stgaffidas premissas per che las ovras idraulicas possian mantegnair vinavant lur capacitads da producziun er sch’ils pretschs crodan.
Cun questa decisiun veglia ella rinforzar il tema da la forza idraulica en la discussiun politica, concluda l’UREK en sia communicaziun.
A l’UREK fan part da vart grischuna la cussegliera naziunala Silva Semadeni (PS) ed il cusseglier dals chantuns Martin Schmid (PLD)
RR novitads 15:00