Siglir tar il cuntegn

Svizra Uniun sindicala vul 1,5% dapli paja

L'uniun sindicala svizra pretenda auzaments da paja da fin 1,5% per l'auter onn. En las bleras branschas ed interpresas da l'economia svizra saja la situaziun positiva.

Paul Rechtsteiner, il president da l'uniun sindicala svizra.
Legenda: Paul Rechtsteiner, il president da l'uniun sindicala svizra. Keystone

Damai che las premias da las cassas da malsauns creschian, saja in auzament necessari, uschia l’uniun sindicala. Il svilup da l'economia interna saja robust. Bancas ed assicuranzas vegnian puspè a far gudogns.

Auzaments en general

L'industria d'export che senti il ferm franc, profiteschia che la conjunctura saja sa revegnida en l'UE e ch'ella possia cumprar products pli bunmartgà en l'exteriur. Ils auzaments da paja stoppian vegnir concedids generalmain, pretendan ils sindicats. Autramain stettian las pajas bassas e medias airi.

RR novitads 12:00