Uniun alternativa vul promover barat d’opiniun tranter uffiziers

Ina gruppa d’uffiziers svizzers ha fundà ina uniun alternativa. Quella duai esser ina plattafurma nua ch’uffiziers da milissa pon e duain s’exprimer a moda critica senza stuair temair per lur carriera militara. Il motto da l’uniun sa numna «uffiziers da milissa Svizra – independent, alert, critic.

Uffiziers svizzers durant ina sesida.

Legenda da maletgs: L'uniun duai esser ina plattafurma nua ch’uffiziers da milissa pon e duain s’exprimer a moda critica. Keystone

L’uniun sa drizza al cader da milissa giuven, che duai survegnir ina alternativa tar l’uniun d’uffiziers ch’exista gia. Ils iniziants refusan tenor atgnas indicaziuns la «cultura dal scumond da patratgar en l’armada ed organisaziuns dal departament federal da defensiun». L’uniun saja il mument «en fundaziun», ha ditg l’iniziant Hanspeter Draeyer sin dumonda.

RR novitads 15:00