Siglir tar il cuntegn

Svizra Unia sa separa da ses collavuratur Roman Burger

Suenter l'affera da SMS tira il sindicat Unia las consequenzas.

Purtret da Roman Burger, anteriur collavuratur da la UNIA.
Legenda: Il sindicat UNIA ha mess liber il collavuratur Roman Burger. Keystone

Sco quai che la presidenta dal sindicat, Vania Alleva ha ditg avant meds da massa a Berna saja Burger dispensà da sia lavur tar l'Unia.
A Burger vegn reproschà d'avair mulestà sexualmain almain ina collavuratura. La mulesta saja succedida per SMS sur pliras emnas.
Burger era manader da l'Unia da la regiun Turitg-Schaffusa. L'emna passada aveva el annunzià da sa retrair da ses post.

RR novitads 15:00