Siglir tar il cuntegn
Inhalt

Svizra Uni ZH: Finanziaziun professura è clera – l'assistenza betg

La professura rumantscha a l'universitad Turitg è garantida – Co finanziar l'assistenza anc betg.

Purtret da l'Universitad da Turitg.
Legenda: La finanziaziun da la professura rumantscha a Turitg è garantida. Keystone

L'atun 2016 aveva l'ETH Turitg communitgà ch'ella stritgia la contribuziun da 100'000 francs per il sustegn dal rumantsch a l'Universitad Turitg. Per in mument hai parì sco sche la professura fiss en privel.

Ussa èsi cler: La professura rumantscha a l'universitad da Turitg è garantida. L'universitad surpiglia ils custs ed ha perfin augmentà il pensum dal professer da 50 sin 75%. Persuenter na datti nagina assistenza pli. Quai na saja dentant nagut extraordinari, di Rico Valär. Era en auters roms stoppian doctorands tschertgar vias per finanziar lur lavur, per exempel cun dumandar il Fonds naziunal u differentas fundaziuns per sustegn.

Per il president da la Lia Rumantscha Johannes Flury fiss era in sustegn dal maun public in'opziun. Quai fiss in model sco tar l'universitad da Friburg - dentant betg per la professura, mabain per l'assistenza.

RR actualitad 08:00