Siglir tar il cuntegn

Header

cuntegn

Svizra Uni ZH: Finanziaziun da la professura da rumantsch betg reglada

Sco Beat Müller da la communicaziun da l'universitad da Turitg ha ditg sin dumonda, na surpiglia l'universitad betg sezza ils 100'000 francs che l'ETH na paja betg pli a la professura.

Ins saja dentant londervi ed er ferm persvadì da chattar ina soluziun, uschia Müller vinavant. Saja quai cun il chantun, cun la Confederaziun u er cun fundaziuns e privats che fissan pronts da surpigliar ils custs.

audio
La finanziaziun da la professura a l'universitad da Turitg n'è anc betg reglada.
ord RTR Audio dals 03.10.2016.
laschar ir. Durada: 1 minuta 12 Secundas.

Il chantun Grischun ha actualmain be in contract da collavuraziun cun l'universitad da Fribourg. Tenor Martin Jäger, il schef dal departament d'educaziun, vegnian ins dentant er ad evaluar las pussaivladads da collavurar cun l'universitad da Turitg. In sustegn dal chantun Grischun n'è pia betg exclus.

Cumenzà ha l'entira discussiun enturn la professura da rumantsch a l'universitad da Turitg cun la decisiun da l'ETH da betg pli pajar la contribuziun da 100'000 francs a la professura. Questa contribuziun ha l'ETH paja passa 30 onns. Il prim d'october aveva la gasetta «Bündner Tagblatt» aveva rapportà che l'avegnir da la professura saja segirà perquai che l'universitad surpiglia sezza ils 100'000 francs.

RR actualitad 08:00

Artitgels legids il pli savens