Siglir tar il cuntegn
Inhalt

Svizra Unda da spams sin mails @bluewin.ch

Tgi che ha in conto d’e-mail da Bluewin vegn probablamain a survegnir durant quests dis trasora mails da reclama. En quels vegnan il clients mudregiads cun annunzias da gudogns fictivs, scriva la Swisscom.

lingia d'adressat da mails.
Legenda: Uschia pon vesair ora ils mails dubius en la chascha da brevs da bluewin.ch RTR, Isabelle Jaeger

Actualmain curseschian en tut la Svizra mails da spam, che cugliunassan la clientella cun regals faus e gratuits, scriva la Swisscom sin sia pagina en la rait.

Stizzar mails dubius

La Swisscom cusseglia urgentamain da betg respunder mails, che dumondan pajaments, datas persunals u che offreschan datas per chargiar giu. la Swisscom recumonda da stizzar tals mails.

En pli deplorescha ella, ch'il servetsch da mail bluewin na funcziunia betg sco usità. Ils spezialists lavurian vi dal sbagl. Quant ditg ch'il disturbi dura na sappia la Swisscom actualmain anc betg dir.

RR novitads 15:00