La stagiun da grippa è passada per quest enviern. Il dumber da las visitas tar il medi pervi da grippa è tschessà l'emna passada per l'emprima giada sut la valur d'epidemia da 70 cas.
En las bleras regiuns hai dà mo sporadicamain cas da grippa. Il pli derasada è la grippa anc en la Svizra nord-occidentala.
Davent dal schaner passà ha la grippa sfurzà millis persunas da star en letg. En la segunda emna è la valur d'epidemia vegnida surpassada en tut il pajais.
